Një tërmet me magnitudë 5.7 ka goditur krahinën lindore të Bingolit në Turqi. Autoriteti i Menaxhimit të Fatkeqësive dhe Emergjencave tha se tërmeti u regjistrua pasditen e sotme në orën 5:25.
Sipas agjencisë së lajmeve Anadolu, një kullë vëzhgimi u dëmtua dhe tre forca të sigurisë u plagosën.
Ministri turk i Mjedisit dhe Urbanizimit, Murat Kurum, tha se ekipet e shpëtimit janë dërguar në rajon, të cilët po ndjekin nga afër incidentin.
Bingoli është i rrethuar me male dhe liqene të shumta akullnajash, ndërsa së fundmi është bërë një destinacion popullor turistik.
Komento
