GREQI- Ditën e djeshme një tërmet 6 ballë “shkundi” vendin fqinj, Greqinë.
Epiqendra e tërmetit ishte në afërsi të Larsisas aty ku edhe lëvizjet e tokës janë ndjerë më shumë.
Tërmeti ra në orën 12:00, dhe la pas dëme të mëdha materiale, si shembjen e ndërtesave, kishave dhe një shkolle 9-vjeçare në “Damasi”.
Teksa nxënësit ishin duke zhvilluar orën e 5 mësimore, gjithçka u “shkund”!
Drejtori i shkollës 9-vjeçare, Grigoris Letsios foli për “Protothema” lidhur momentet e tmerrit që përjetuan ai, mësuesit dhe nxënësit, që sipas tij shpëtuan nga një mrekulli.
“Gjatë orës së 5 mësimore, toka filloi të kërcente nën këmbët tona, ndërsa po lëkundeshim majtas dhe djathtas, lart e poshtë, me goditje të tmerrshme, objekte të ndryshme po binin, tavani i ndërtesës u shemb në fraksion sekonde. Zoti na ka mbrojtur ne dhe fëmijët! Ata dinin se çfarë duhet të bënin në një rast të tillë dhe të gjithë menjëherë janë futur nën tryezat e tyre”, tha drejtori.
Ai tha që ishte një moment shumë i frikshëm teksa toka lëkundej dhe fëmijët qanin edhe bërtisnin.
J.GJ./ReportTv.al“Është një mrekulli që dolëm gjallë nga ndërtesa e shembur”, tha Latsios.
