Muzikologu e dirigjenti i njohur Eno Koço mban sot në orën 11.00 në Akademinë e Shkencave Lectio Magistralis me temë “Muzika si inteligjencë emocionale”.
Organizohet sot në orën 18.00 në "Shtëpinë Studio Kadare" një mbrëmje poetike dedikuar poetit Teodor Keko, me pjesëmarrjen e bashkëshortes Xhuli Kekos.
Artisti Kreshnik Mazrekaj ( i quajtur "Soulmate") mban sot në orën 18.00 në Qendrën e Artit "Agimi" në Tiranë një seminar dhe performancë muzikore.
Fakulteti i Muzikës në Universitetin e Arteve, nis sot në orën 19.00 "Stinën koncertore Pranverë 2024" me "Jazz in spring" (me pjesëmarrjen e muzikantëve Gent Rushi, Emiljan Dhimo, Andi Kongo, Angjelin Toma, Brikel Guga).
Jetësohet sot në orën 19.00 në skenën e teatrit "Skampa" në Elbasan komedia “Zëra pas skene” me regji nga Helidon Fino.
Shfaqet sot në orën 19.00 në Akademinë e Marubit në Tiranë filmi "Luaneshat e kodrës" (“La colline ou rugissent les lionnes”) nga Luana Bajrami.
Profesor i elektronikës, si dhe poet, Besnik Camaj, themelues i Shkollës shqipe në Zvicër dhe promotor i autorëve shqiptar, mban sot në orën 12.00 në Bibliotekën "Marin Barleti" në Shkodër një bisedë me temë "Inteligjenca artificiale dhe poezia".
Teatri "Andon Zako Çajupi" në Korçë mban sot e nesër në orën 11.30 dhe 13.30 shfaqjen me kukulla “Aventurat e Pulçinelës” nga Paolo Comentale.
Tragjedia "Medea" e Euripidit shfaqet edhe sot në orënn 18.00 në teatrin "Bylis" në Fier, me interpretimin e të rinjve të shkollës "Jakov Xoxa".
Vijon edhe sot në orën 18.00 në Teatrin Kombëtar performanca "Udhëtimi i ndërmjetëm i sporeve", nga Federica Altie, që mbahet në bashkëpunim me Institutin Italian të Kulturës.
A.D//ReportTv.al