Një 22-vjeçar nga Senegali ka tentuar të korruptojë policë kufitare në Qafë Thanë pasi nuk kishte vizë për të hyrë në Shqipëri. Gjatë kohës që D. I., 22 vjeç, banues në Senegal, i dha pasaportën policisë kufitare për kontroll, kishte vendosur një kartëmonedhë 50 euro, me qëllim për ta lejuar të kalonte kufirin në drejtim të Shqipërisë, pa vizë.
Kjo ka bërë që policia të nis procedim penal në gjendje të lirë ndaj tij për veprën penale “Korrupsioni aktiv i personave që ushtrojnë funksione publike”.
Materialet i kaluan Prokurorisë pranë Gjykatës së Shkallës së Parë Pogradec, për veprime të mëtejshme.
Komento
