Një ngjarje e rëndë është regjistruar në Shkodër, ku një 29-vjeçar ka tentuar që të rrëmbejë një të re dhe ka goditur babanë e saj.
Denoncimin e ka bërë e reja me iniciale U.Rr, 23-vjeçe, banuese në lagjen “Qemal Stafa”, ku ka thënë se Ditmir Juka, e ka përndjekur dhe dhunuar fizikisht , i cili po ashtu ka tentuar ta marrë me forcë duke e goditur. Po ashtu ai ka goditur edhe babanë e saj, shtetasin R. Rr., 60 vjeç, banues në lagjen “Qemal Stafa”.
Menjëherë pas kallëzimit, shërbimet e Forcës së Posaçme “Shqiponja” kanë lokalizuar dhe ndaluar shtetasin Ditmir Juka, në rrugën nacionale Velipojë-Shkodër, në fshatin Berdicë.
I riu akuzohet për veprat penale “Përndjekja”, “Dhuna në familje”,“Shtrëngimi apo pengimi për të bashkëjetuar ose për të lidhur apo zgjidhur martesë” dhe “Kanosja“.
Në përfundimi të veprimeve u bë arrestimi në flagrancë i 29-vjeçarit dhe materialet iu referuan Prokurorisë së Rrethit Gjyqësor Shkodër, për veprime të mëtejshme.
M.Q./ReportTv.alKomente
Paska akoma budallenj te tille ne xhiro
Përgjigju