Një 39-vjeçare është vënë nën hetim, pasi në pikën Kufitare të Kakavijës, në dalje të Shqipërisë, nuk deklaroi 11,150 euro.
E reja u kalua për kontroll në vijë të dytë në çantën e së cilës u gjetën paratë që po tentonte t’i nxirrte nga vendi ynë, pa i deklaruar siç e përcakton ligji.
Në vijim të veprimeve procedurale për këtë rast, u referuan materialet në Prokurori ku nisi procedimi në gjendje të lirë për 39-vjecaren, banuese në Berat, si dhe u sekuestrua shuma e parave.
Materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër, për veprime të mëtejshme, për veprën penale “Mosdeklarimi në kufi i të hollave dhe i sendeve me vlerë”.
G.MO/ReportTv.al
Komento
