Një 46-vjeçare nga Irani ka rënë në prangat e policisë pasi tentoi të kalojë kufirin duke përdorur pasaportë çeke të falsifikuar.
Gjatë ditës së sotme një 46-vjeçare nga Irani, me inicialet L.B është paraqitur pranë sportelit të kontrollit të dokumenteve në aeroportin e Rinasit, me një biletë udhëtimi dhe një pasaportë çeke.
E pasi punonjësi i sportelit ka dyshuar për vërtetësinë e dokumentit të identifikimit dhe pas verifikimeve të nevojshme ka rezultuar se pasaporta ishte e falsifikuar.
Për pasojë është vënë në pranga 46-vjeçarja nga Irani, e cila tentoi të dilte nga Shqipëria, duke përdorur pasaportë çeke të falsifikuar.
Gjatë kontrollit, 46-vjeçares iu gjet edhe një leje për qëndrim në Çeki, e cila gjithashtu rezultoi e falsifikuar.
2 dokumentet u sekuestruan në cilësinë e provës materiale, ndërsa materialet procedurale i kaluan Prokurorisë Tiranë, për veprime të mëtejshme.
M.T/ReportTv.al
