De-përshkallëzimi i tensioneve me Rusinë për Ukrainën kërkon paralajmërime “të forta dhe të besueshme”, por edhe një dialog të përforcuar me Moskën, tha të hënën zyra e presidentit francez Emmanuel Macron.
Pas një telefonate mes presidentit amerikan Joe Biden dhe një numri liderësh evropianë, presidenca franceze tha se Macron do të fliste “në ditët në vijim” me presidentin rus Vladimir Putin dhe homologun e tij ukrainas Volodymyr Zelenskyy.
“De-përshkallëzimi kërkon paralajmërime të forta dhe të besueshme për Rusinë, gjë që kërkon koordinim të vazhdueshëm midis partnerëve dhe aleatëve evropianë dhe një dialog të përshpejtuar me Rusinë”, tha zyra e Macron në një deklaratë.
Lajmi kryesor:
Takimi virtual mes liderëve evropian dhe NATO-s për Ukrainën, SHBA vendos në gatishmëri 8500 trupa
G.MO/ReportTv.al