Stefanos Tsitsipas është për herë të tretë në karrierë fituesi i ATP Monte Carlos në tenis. Greku mundi në finalen e kësaj të diele Casper Ruud me rezultatin 2-0 (6-1, 6-4 me sete) për t'u rikthyer mes dhjetë tenistëve më të mirë në botë.
Ndeshja - Setin e parë greku e fitoi me rezultat 6-1 në 35 minuta me norvegjezin që 'mungonte' në fushë për një pjesë të mirë të tyre. Pas pushimit të parë Tsitsipas mori revansh, duke mposhtur norvegjezin edhe në shërbimet e tij.
Në setin e dytë, Ruud i cili dje kaloi në gjysmëfinale numrin një të botës, Novak Djokovic, u përpoq duke e dërguar setin në 3-3, para se Tsitsipas të fitonte duelet në fushë.
Me rezultatin 2-0 me sete, Tsitsipas që dje mposhti Sinner në gjysmëfinale bëhet për herë të tretë kampion i ATP në Monte Carlo dhe me pikët e siguruara ngjitet nga vendi i 12-të në atë të 7-të në renditjen e përgjithshme.
S.DH/ReportTv.al