Policia belge arrestoi të enjten (11 Janar) tre burra në një autobus nga Lille për në Bruksel, pasi një pasagjer tha se kishte dëgjuar njerëz të tjerë në bord duke folur për planifikimin e kryerjes së një sulmi, raporton Politico.
Zëdhënësja e policisë federale belge, Ann Berger tha se thirrja është marrë parasysh dhe rasti është duke u hetuar.
Duke iu afruar autobusit, autoritetet belge i detyruan të gjithë pasagjerët të zbrisnin një nga një në mënyrë që të kontrolloheshin, po ashtu u kontrolluan edhe bagazhet e tyre.
Brukseli ka qenë në gatishmëri të lartë që nga një sulm në tetor, në të cilin një sulmues vrau dy tifozë të futbollit suedez pranë qendrës së qytetit, në atë që politikanët e lartë belgë e dënuan si një "sulm brutal terrorist". I dyshuari u qëllua nga policia e Brukselit të nesërmen.
Disa ditë më vonë, qeveria federale belge njoftoi masa të reja për të forcuar aparatin e sigurisë së vendit dhe për të siguruar një përgjigje të shpejtë dhe të koordinuar ndaj kërcënimeve të mundshme.
S.S/ReportTv.al