Një 19-vjeçar në Vlorë i identifikuar si Sebastian Jalli nga Fieri është paraqitur mbrëmjen e sotme në spital për ndihmë mjekësore pasi ishte i plagosur me armë zjarri në këmbë. Fatmirësisht i riu ndodhet jashtë rrezikut për jetën.
Mësohet se 19-vjeçari Jalli ka shkuar në fshatin Llakatund tek të afërmit e tij me një makinë tip “Mercedez-Benz A Class” dhe ka ndaluar pranë një lokali, sapo ka dalë nga mjeti, ai është konfliktuar për motive ende të paqarta me një bashkëmoshatar tjetër.
Pasi përplasjes që patën dy rinjtë me njëri-tjetrin, autori ka shkuar dhe ka marrë një armë zjarri në banesën e tij, e cila ndodhej pranë vendit të ngjarjes dhe e qëllon në këmbë 19-vjeçarin nga Fieri.
19-vjeçari Jalli kishte shkuar në fshatin Llakatund të Vlorës tek të afërmit e tij. Ka qenë daja i tij ,i cili e ka shoqëruar në spital, ndërkohë që ai u shoqërua në ambientet e komisariat të Policisë Vlorë për tu marr në pyetje. Grupi hetimor vijon punën për zbardhjen e rrethanave të ngjarjes dhe kapjen e autorit.
S.C//ReportTv.al