Qofte me lulelakër në furrë
Përbërësit:
600 gr lulelakër
½ qepë mesatare
2 lugë gjelle galetë e grirë
70 gr djathë I bardhë (I grirë)
2 lugë gjelle djathë parmixhan I grirë
kripë
1 kokërr vezë
1 tufë koper
Përgatitja:
Ziejmë lulelakrën me ujë me pak limon derisa të zbutet. E largojmë me një kullesë dhe e vendosim atë me një tas. E shtypim atë me pirun duke e thërrmuar.
Shtojmë në tasin me lulelakër ½ e qepës së grirë hollë, galetën e grirë, djathin e bardhë të grirë në rende, parmixhanin dhe atë të grirë në rende, kripë, vezë e plotë dhe 1 tufë koper të grirë hollë. E trazojmë mirë me lugë druri dhe formojmë qofte në madhësinë që dëshironi.
I vendosim në një tepsi ku kemi shtuar letër pjekje dhe I lyjmë sipër me vaj me ndihmën e një furçe. I vendosim në furrë në temperaturë 195 gradë Celsius për 15-20 minuta.
Kimë me vezë
Përbërësit:
400 gr mish i grirë
4 kokrra qepë (të plota)
3-4 domate mesatare (ose salcë)
kripë dhe piper të zi
4 kokrra vezë
vaj ulliri
Përgatitja:
Në një tigan grohim vajin dhe kaurdisim qepën të prerë imët në fije të holla derisa ajo të zverdhet pak.
Shtojmë mishin e grirë dhe I kaurdisim së bashku derisa mishi të ndërrojë ngjyrë (por jo të thahet).
Shtojmë domatet të qëruara në kubikë të vegjël , i lëmë sa të fillojnë të ziejnë dhe shtojmë kripë dhe piper të zi.
Shtojmë 1 filxhan ujë dhe e lëmë derisa uji të shterojë.
Mund të shtojmë edhe një galetë (bukë të thekur të grirë) dhe e lëmë të marrë valë me qëllim që kima të lidhet.
Kima nuk duhet të jetë e thatë, por me pak lëng të trashë.
Në fund shtojmë vezët sipas preferencës bëjmë 4 gropa dhe dhe hedhim vezët, por dhe mund të mbulojmë komplet sipërfaqen. Mbulojmë tiganin me kapak dhe e lëmë vezën të mpikset ose mund të vendosim dhe në furrë për 15 minuta në temperaturë 175-180 gradë Celsius. E shërbejmë të ngrohtë.
D.M.//ReportTv.al
