Tavë me presh nga zonja Albana

Në këtë hapësirë të faqes tonë do të gjeni mënyrën e përgatitjes së recetave  të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09 : 00 – 10 : 00. 

31 Tetor 2022, 11:47| Përditesimi: 31 Tetor 2022, 11:48

  • Share

Tavë me presh

Përbërësit:

  • 1 kg presh
  • 1 kokërr qepë
  • 1 lç salcë domate
  • Vaj ulliri
  • Uthull rrushi
  • Kripë, piper i zi

Përgatitja:

Vendosim në një tenxhere ose tigan vajin të ngrohet dhe më pas shtojmë preshin e prerë ne rondele 5 cm pjerrtazi. E kaurdisim preshin duke e trazuar lehtë në mënyrë që të mos i prishet struktura. E largojmë preshin nga tigani dhe në po atë yndyrë kaurdisim qepën e grirë imët. Sapo qepa të marrë ngjyrë të artë shtojmë salcën, pak sheqer, preshin e kaurdisur, kripë, piper dhe pak uthull. Hedhim ujë të ngrohtë dhe e lemë gjellën deri në momentin që shikojmë se ka filluar salca të lidhet. E zhvendosim gatimin në një tavë dhe e vendosim në furrë për rreth 35 minuta në 200 gradë Celsius. Këtë gatim mund edhe t’a vazhdojmë në sobë pa e futur në furrë, duke e lenë të gatuhet në zjarr të avashtë.

MC/ReportTv.al
Komento
  • Sondazhi i ditës:

    A po jep rezultate lufta e SPAK ndaj grupeve kriminale?