Të shtunën nis java e 8 e Superligës që rezervon përballjen Tirana-Dinamo, një supersfidë që përsëritet në harkun kohor të pak ditëve pasi të mërkurën u luajt për Kupë. Pavarësisht se ‘dinamovitët’ fituan në mesjavë 2-0 Tirana shihet më favorite duke qenë kryesuesja e Superligës.
‘Kjo fitore na jep më shumë meral, ndoshta pak më shumë qetësi, por jemi të bindur të gjithë se ndeshja e Kupës është ndryshe nga e kampionatit,’-tha Bledi Shkëmbi, trajner i Dinamos.
‘Tirana tregon disi lojë më të mirë, mirëpo nuk duhet anashkaluar edhe Partizani. Dihet se ekipet e kryeqytetit janë ekipet më të mira në Superligë. Rivaliteti ndikon tek të tre skuadrat, por deri më tani Tiarana ka treguar më shumë cilësi,’-deklaroi Agim Ibrahimi, kapiteni i Dinamos.
Tirana-Dinamo do luhet në orën 19:45 në Air Albania, ndërsa përballja tjetër e së shtunës është Skënderbeu-Kukësi. Të dielën në program janë Laçi-Teuta, por edhe Kastroti-Partizani.
‘Ndeshja me Partizanin është jashtëzakonisht e rëndësishme, e fortë dhe për vetë faktin se nuk është në momentet më të mira. Unë shpesh e krahasoj me Laçin, por kur u ndeshëm me ta na mundën dhe duhet të shmangim një situatë të tillë’-u shpreh Ramadan Ndreu, trajner i Kastriotit.
Java e 8 e Superligës mbyllet të hënën me Egnatia-Vllaznia.
Ne.k.//ReportTv.al