Një jaht luksoz që dikur përdorej nga Princesha Diana është gjetur i fundosur në Mesdhe pranë Beaulieu-sur-Mer, në rivierën franceze. Jahti quhet "Cujo" dhe dikur i përkiste Dodi Al-Fayed, ish-bashkëshortit të Princeshës Diana.
Së fundmi, jahti po përdorej nga një familje e pasur italiane, të cilët e kishin blerë në vitin 2020 në një ankand për 171 mijë paund.
Shtatë pasagjerët që ndodheshin në bord, duke përfshirë edhe anëtarët e ekipit të jahtit, u evakuuan me sukses dhe u larguan nga jahti me një gomone. Megjithatë, ekipi i emergjencave nuk arriti të shpëtojë jahtin e fundosur, dhe ai përfundoi i zhytur në gati 2.430 metra thellësi.
Jahti "Cujo" ka një histori interesante. Ai u ndërtua në Itali në vitin 1972 për John von Neumann, një biznesmen i njohur për shitjen e makinave Porsche dhe Volkswagen në SHBA. Ai dëshironte aso të kishte jahtin më të shpejtë në botë, dhe kjo u arrit me dy motorë turbo diezel. Më pas, atë e mori Dodi Al-Fayed.
Policia dhe autoritetet e sigurisë po hetojnë ngjarjen për të zbuluar shkakun e fundosjes së jahtit. Deri më tani, nuk ka të dhëna zyrtare për shkakun e ngjarjes dhe nëse ka pasur të lënduar gjatë kësaj ngjarjeje.
Lajmi për fundosjen e këtij jahti ikonik ka sjellë kujtime të trishta për Princeshën Diana, e cila humbi jetën në një aksident tragjik në Paris, pak javë pasi u fotografua në bord të këtij jahti në verën e vitit 1997.
G.MO//ReportTv.al
