Supë me thjerrëza dhe proshutë
Përbërësit:
- 300 gr thjerrëza
- 200 gr proshutë
- 50 ml verë të bardhë
- 1 thelpi hudhër
- 150 gr karota
- 100 gr qepë
- 100 gr selino
- 15 gr salcë domate
- 1 litër lëng perimesh
- Vaj ulliri
- Kripë, piper
Përgatitja:
Thjerrëzat i shpëlajmë dhe i lëmë në ujë të ftohtë për 2 orë. Në një tigan skuqim hudhrën, qepën, selinon dhe karotat e grira. Shtojmë proshutën e skuqim për dy minuta dhe e shuajmë me verë të bardhë. Sapo alkooli të avullojë shtojmë thjerrëzat dhe i kaurdisim për një minutë. Shtojmë buljon të nxehtë perimesh si dhe salcën e domates, vendosim kapakun dhe e lëmë supën të ziejë. Në fund shtojmë kripën dhe e shërbejmë të ngrohtë me një spërkatje të lehtë me piper dhe vaj ulliri ekstra të virgjër.
MC/ReportTv.al
Komento
