Ndeshja miqësore Rusi - Paraguaj, e planifikuar për këtë të hënë në Moskë, u anulua pas sulmit të armatosur që ndodhi mbrëmjen e djeshme në një sallë koncertesh pranë kryeqytetit rus, të cilën e mori përsipër grupi xhihadist ISIS dhe që shkaktoi 133 të vdekur.
"Për shkak të sulmit, Federata Ruse e Futbollit dhe Federata e Futbollit të Paraguajit kanë vendosur të anulojnë ndeshjen miqësore", thuhet në njoftimin e Federatës Ruse të Futbollit.
Ndeshja ishte vendosur të zhvillohej në stadiumin "Dinamo" në Moskë dhe sipas të njëjtit burim mund të organizohet në një datë të mëvonshme.
Lajmi kryesor:
Masakra në Moskë, 133 të vdekur! Putin: Ukraina një ‘dritare’ për autorët! ISIS: Sulmi, pjesë e luftës kundër atyre që luftojnë Islamin
S.DH/ReportTv.al