Presidentja Vjosa Osmani në një deklaratë për mediat në samitin BE-Ballkani Perëndimor në Tiranë u pyet edhe në lidhje me sulmet në veri të Kosovës. Osmani tha se është një sulm i kryer nga bandat e përkrahura nga Vuçiç.
‘Ne jemi në kontakt të përditshëm me kryetarin e KQZ-së dhe në veçanti koordinimeve që janë bërë me institucionet e qeverisë. Për fat të keq situata në veri eskalon për një arsye të vetme bandat e përkrahura dhe financuara nga Vuçiç kanë për qëllim të destabilizojnë veriun e Kosovës dhe vetë Ballkanin Perëndimor. Ne duhet të mbrojmë jetën e secilit qytetar tonin. Është me rëndësi se siguria e qytetarëve të jetë mbi të gjitha. Tani po e presim edhe raportit përfundimtar.’- tha Osmani.
Lajmi kryesor:
6 shpërthime në veri të Kosovës! Kurti: Sulme nga Serbia! Vuçiç: I urdhëroi Prishtina! KFOR shpërthim i kontrolluar i bombës brenda zyrave të KKZ-së
M.Q./ReportTv.al