Ka shkuar në 139 numri i të vrarëve në sulmin e ndodhur në një sallë koncertesh në Moskë të premten.
“Rezultatet fillestare të hetimit tregojnë se sulmi ishte planifikuar dhe përgatitur me kujdes,” tha Alexander Bastrykin, kreu i Komitetit Hetues të Rusisë, në një transmetim të drejtpërdrejtë televiziv.
Ndërkohë që viktimat po vajtohen, ka polemika mes SHBA-së, e cila beson pretendimin e ISIS-it, dhe Moskës, e cila thotë se e sheh të dyshimtë faktin që amerikanët nuk dyshojnë që Ukraina të fshihet pas sulmit.
Vetë Presidenti rus, Vladimir Putin ka thënë se sulmi u krye nga "radikalët islamikë".
“Ne e dimë se krimi është kryer nga islamikë radikalë, ideologjinë e të cilëve vetë bota islame e ka luftuar për shekuj”, tha Putin.
Por, ai u shpreh se edhe Ukraina ishte fajtore për sulmin.
B.K/ReportTv.al“Është gjithashtu e nevojshme t’i përgjigjemi pyetjes pse terroristët u përpoqën të shkonin në Ukrainë pasi kishin kryer një krim, kush i priste ata atje? Është e qartë se ata që mbështesin regjimin e Kievit nuk duan të jenë bashkëpunëtorë të terrorit dhe sponsorizues të terrorizmit, por ka vërtet shumë pyetje”, tha Putin.
“Ne e dimë nga duart e kujt është kryer kjo mizori kundër Rusisë dhe popullit të saj dhe ne jemi të interesuar se kush është nxitësi”, u shpreh tutje ai.
