Deputeti i Partisë Socialiste Erion Braçe nëpërmjet një postimi në rrjetet sociale ka ironizuar akuzat e bëra së fundmi nga ish-kryeministri Sali Berisha dhe dhëndri i tij Jamarbër Malltezi ndaj prokurorëve të SPAK të cilët i morën në pyetje për përfshirjen e tyre në aferën ‘Partizani’ në kuadër të së cilës po mbahen në arrest shtëpie.
Braçe i shpjegoi këto akuza duke e lidhur me fenomentin e ‘K’-ve që janë njësi matëse e pëlqimeve në rrjetet sociale. Sipas deputetit, të ofendosh apo të kërcënosh një institucion që është në qendër të vëmendjes si SPAK-u të jep mundësinë të grumbullosh ‘K’ apo thënë ndryshe vëmendje e ndjekësa.
Postimi i plotë i deputetit, Erion Braçe:
TE VDESESH PER K-ë, PER SHUME K-ë!
Mos u keqkuptoni, K-ë është njësia matëse e pëlqimeve ne INSTAGRAM, FACEBOOK, TIK TOK etj;
Ka njerëz qe gjithë ditën e rrotullojnë rreth K-ve, nuk rrojnë dot pa K-të.
Për shembull, te flasësh për Big Brother tani te ben me K-ë, dominon; ta sulmosh, ta shash si produksion apo secilin aty, te hapesh polemika, madje edhe t’ja fusësh kot pa e pare, ta mbështesësh, vlerësosh, analizosh etj, te mbledh K-ë; madje dëgjova qe këta qe flasin apo bëjnë video me imazhe nga BB, marrin K-ë edhe me shume se vete profilet e BB ne ditet e javes.
Por ka edhe nje fenomen tjetër;
Te flasësh per SPAK, te grumbullon plot K-ë; ta sulmosh si ai maj BALLKONI, ta shash si ata poshtë BALLKONI, te gënjesh e shpifesh rreth tij por edhe një për nje për anëtaret e tij, te grumbullon K-ë; por edhe ta mbrosh, mbështesësh, vlerësosh-edhe me sikur, te grumbullon K-ë;
Madje madje po zhvillohet edhe nje fenomen i rëndësishëm, deformues-te kërcënosh me SPAK, “do te te çoj ne Spak”, “ta tregoj unë ne Spak”, “ke për ta pare ti ne Spak”-përhapur gjerësisht mes politikanesh e operatoresh ekonomike, madje duke bere video nga dera ne oborr e Spak, tërësisht pa asnjë lidhje me Spak e veprimtarine konkrete te tij, sidomos kur ne jeten e kercenuesit eshte ne mes nje kontrate pune apo shërbimesh, mallrash, te grumbullon K-ë, por jo ne rrjet, ne leke!
SPAK ESHTE NJE INSTITUCION JETIK, INSTRUMENT I DOMOSDOSHEM NE NJE VEND KU KORRUPSIONI FUNKSIONON SI KULTURE EKONOMIKE, PASURIMI;
Thënë këtë SPAK ka nevoje per mbështetje institucionale qe rrit pavarësinë nga politika, biznesi dhe çdo fenomen kriminal qe funksionon e sfidon ne ketë vend; mbështetje qe rrit kapacitet për pune ne goditje te rasteve konkrete pas te cilave shteti-ne cdo dimension çlirohet, merr fryme lirisht, shërben ne mënyrë gjithëpërfshirëse!
Ne ane tjetër, Spak nuk duhet te jete i vetmi kundër korrupsionit; Qeveria-Qeverisja duhet ta kete pune te përditshme luftën kunder korrupsionit. Jam i kënaqur me vlerësimin e djeshëm te Transparency International, RRITJA ME 1 PIKE ESHTE E RENDESISHME, pas vitesh stanjacion. Por jemi mbrapa akoma, DUHET ME SHUME PUNE.
Qeveria duhet te jete edhe me shume agresive kunder tij, me me shume përgjegjshmëri, përgjegjësi, transparence, përfshirje, konkurrence-gare, ndeshkueshmeri ne kete nivel ekzekutiv; DUHET TE JETE KETU NJE LUFTE E BRENDESHME QE VETEPASTRON DEGEN EKZEKUTIVE E I JEP ASAJ EDHE ME SHUME INTEGRITET!
