Një 69 vjeçar i armatosur ka hapur zjarr në qendër të Parisit, duke vrarë tre persona dhe duke plagosur disa të tjerë. Të shtënat ndodhën pranë një qendre kulturore kurde jo shumë larg stacionit Gare de l'Est.
Autori i ngjarjes u arrestua shpejt nga policia në lidhje me sulmin. Autoritetet apeluan që njerëzit të shmangin zonën në Rue d'Enghien, në lagjen e 10-të në Strasburg-Saint Denis. Mësohet se 69 vjeçari sapo ishte liruar nga burgu ku kisthe qëndruar si dënim për një sulm me thikë në një kapm emigrantësh. Dyshohet se racizmi ka qenë motiv për sulmin, teksa autori identifikohej si mbështetës i ekstremit të djathtë në Francë.
"Është panik total, ne jemi mbyllur brenda," tha një tregtare për agjencinë e lajmeve AFP.
Dëshmitarja tha se kishte dëgjuar shtatë ose tetë breshëri armësh. Dy prej të plagosurve nga të shtënat thuhet se janë në gjendje kritike. Ndërsa policia ndaloi të dyshuarin, ata gjetën armën e përdorur në sulm, shkruajnë mediat e huaja. Prokurorët kanë hapur hetimet për zbardhjen e plotë të ngjarjes së rëndë.
Autori i sulmit me armë në qendër të Parisit ku vdiqën tre persona dhe u plagosën disa të tjerë, është një 69 vjeçar, i cili kisthe dalë në pension si shofer treni.
Dyshohet se bëhet fjalë për një sulm racist pasi i njëjti person sulmoi një kamp migrantësh vitin e kaluar, duke qëlluar verbërisht pranë Qendrës Kulturore Kurde Ahmet-Kaya.
Në një parukeri aty pranë, një oficer hero arriti t'i heqë armën vrasësit, i cili u lirua nga burgu vetëm 11 ditë më parë, për të ndaluar tërbimin e tmerrit pasi plumbat shpërthyen pranë stacionit të Eurostar, duke goditur gjithashtu një restorant aty pranë.
