Një krim i rëndë ka ndodhur në një qytet të vogël në jugperëndim të Meksikës. Disa persona të armatosur kanë vrarë Conrado Mendoza, kryetarin e bashkisë San Miguel Totolapan. Rreth orës 14:00 sipas orës lokale kanë sulmuar bashkinë duke zbrazur karikatorët e armëve.
Për pasojë janë vrarë 17 persona, shkruajnë mediat e huaja. Për këtë sulm, fajtor dyshohet se është banda kriminale Los Tequileros.
Oficerët e policisë dhe punonjësit e bashkisë u vranë në masakër, ndërsa në rrjete sociale qarkullojnë imazhe të trupave të shtrirë në tokë. Nga pamjet e bashkisë duken shenjat e plumbave në një pjesë të godinës.
Babai i Mendozës, ish-kryetari i bashkisë Juan Mendoza Acosta, u vra në shtëpinë e tij përpara se sulmi të zhvendosej në bashkinë e qytetit.
Partia e kryebashkiakut Conrado Mendoza Almeda, PRD, ka dënuar vrasjen e tij dhe ka kërkuar drejtësi.
Godina e bashkisë
