Një sherr mes të rinjsh këtë të martë (22 shtator) ka përfunduar me plagosjen e një 17-vjeçari.
Ngjarja ndodhi rreth orës 15:30 në lagjen Stalla në Sukth të Durrësit ku një 16-vjeçar me iniciale Xh.S. plagosi me thikë 17-vjeçarin me iniciale E.Z.
Disa orë pas ngjarjes, policia arriti të arrestojë autorin.
17 vjeçari 3 ditë më parë kishte një konflikt me 16-vjeçarin ndërkohë që ditën e sotme ato u takuan për të sqaruar konfliktin e tyre por ajo agravoi në një tjetër sherr.
Shtetasi me iniciale E.Z. ishte i shoqëruar nga një tjetër person ndërsa 16-vjeçari ishte i shoqëruar me 2 të tjerë të cilët kishin armë të ftohta. I plagosur në brinjë mbeti 17-vjeçari i cili u detyrua që të ecë në këmbë për 1 km drejt spitalit.
Ai iu nënshtrua një ndërhyrje kirurgjikale e cila doli me sukses ndaj ai është jashtë rrezikut për jetën.
Materialet do ti kalojnë Prokurorisë së Rrethit Gjyqësor Durrës, për veprime të mëtejshme.
Vetëm pak orë pas plagosjes me thikë në Sukth të Durrësit, policia vendosi në pranga autorin e dyshuar.
Pas ndjekjes së autoriteteve u bë e mundur kapja e një 16-vjeçarit me iniciale Xh.S., autori i dyshuar për plagosjen me thikë të 17 vjeçarit me iniciale E.Z. pas një konflikti të çastit.
Aktualisht i plagosuri iu nënshtrua një ndërhyrjeje dhe ndodhet jashtë rrezikut për jetën.
