Stuhia e shiut dhe breshrit një ditë më parë në Kuçovë shkaktuan dëme në 10 banesë në lagjen 1 maji.
Banorët thanë se është hera e parë që përmbyten nga reshjet e verës. Janë dëmtuar orenditë shtëpiake si dhe muret rrethuese të shtëpive.
“Furtunë e fuqishme! Po bëhem 83-vjeç dhe nuk kisha parë breshër të atillë. Kokrra e breshrit sa një bajame. Na i ka shkatërruar të gjitha pemët e të mbjellat”, u shpreh një i moshuar.
“Grurin e ka shkatërruar do mbetemi pa ushqim”, tha një grua.
Po kështu edhe fshati Kozare ka pësuar dëme në shumta në bujqësi, sidomos në kulturën e grurit.
Në njësinë Perondi dhe Lumas ka shkaktuar dëme të mëdha në kulturat njëvjeçare, kryesisht gruri”, shprehet drejtor i Zhvillimit Rural, Nazmi Sula.
Grupet e emergjencave në bashkinë e Kuçovës janë duke evidentuar dëmet në terren.
M.Q.//ReportTv.al