Mbrëmjen e djeshme, studentët e disa universiteteve të Beogradit, kanë protestuar në qendër të kryeqytetit serb duke paralajmëruar bllokadë të institucioneve për shkak të planit evropian për Kosovën.
Bllokadën institucionale në Serbi e kanë paralajmëruar partitë opozitare të mbledhura si “Opozitë shtet-formuese” të cilat kanë njoftuar se një organizim i tillë do të nisë të premten në 24 mars.
Në protestën e mbajtur para godinës së fakultetit filozofik, ku u mblodhën qindra studentë, u bë me dije se këta të fundit u kanë dërguar email grupeve parlamentare në Kuvendin serb, ku u kërkojnë nisjen e procedurës për shkarkimin e presidentit Aleksandër Vuçiç, të cilin e akuzojnë për shkelje të kushtetutës duke pranuar marrëveshjen e Ohrit për Kosovën.
“Përgjigja do të tregojë se kush është në të vërtetë përfaqësues i popullit”, u tha në tubimin ku morën pjesë disa qindra persona.
Marrëveshja për të cilën Kurti dhe Vuçiç u dakordësuan në takimin e 18 marsit, të mbajtur në Ohër të Maqedonisë së Veriut, ka ngjallur kundërshtime të forta në Serbi, me partitë opozitare që kanë kërkuar dorëheqjen e Vuçiç.
Komente
Po kujdes, nje tufe me budallenj!
PërgjigjuKta jan te bashkum, jo si shqiptare
Përgjigju