Studentët e Fakultetit të Mjekësisë kanë zhvendosur protestën e tyre nga rektorati drejt Ministrisë së Arsimit Sportit dhe Rinisë, duke bërë thirrje kundër punësimit të detyruar.
Të veshur me uniformat e bardha dhe me pankarta në duar mjekët e ardhshëm i kanë bërë thirrje qeverisë të tërhiqet nga vendimi për punësimin e detyrueshëm të tyre, për tre vite pas përfundimit të shkollës së mjekësisë.
Ata kanë vijuar me thirrje ndaj Ministres Kushi, teksa kanë ‘pushtuar’ dyert e institucionit të Ministrisë së Arsimit.
Ky vendim vjen për shkak të planit të qeverisë, që parashikon që studentët e Mjekësisë duhet të punojnë 3 vite në Shqipëri, përpara se të diplomohen.
Kujtojmë se studentët e Mjekësisë kanë zhvilluar edhe protesta të tjera lidhur me këtë projekt-vendim të qeverisë.
Lajmi kryesor:
Studentët e Mjekësisë sërish në protestë, varin 'bluzat e bardha' te kangjellat e Ministrisë së Arsimit: Do vijojmë derisa të tërhiqen për punësimin me detyrim
M.T//ReportTv.al