Një aeroplan pasagjerësh 'Boeing 737-86J' i ‘Pegasus Airlines’ ka dalë nga pista në aeroportin Sabiha Gökçen në Stamboll.
Sipas mediave turke, në momentin e aksidentit aeroplani ka shpërthyer duke u ndarë në tre pjesë.
Mes 171 personave në bord dhe 6 anëtarëve të ekuipazhit nuk ka patur viktima. Mediat njoftojnë se të paktën 52 udhëtarë janë plagosur dhe se dy pilotët janë në gjendje të rëndë.
Avioni i kompanisë turke 'Pegasus Airlines' po vinte nga Izmir.
Trafiku në aeroportin e dytë të metropolit të Bosforit është mbyllur.
Forcat e ndërhyrjes së shpejtë po punojnë për nxjerrjen e të plagosurve nga aeroplani.
Shkaqet e aksidentit janë të paqarta për momentin por sipas Ministrit të transportit Turhan, piloti i 'Boing 737' ka bërë ulje të fortë në pistë, gjë e cila mendohet se ka ndikuar në devijimin e avionit duke e bërë të vështirë më pas kontrollin mbi të.
Lajmi në përditësim
