Stuhitë e shiut nuk po lënë grurin të piqet.... Fermerët e fshatrave Grecalli dhe Mujalli në Fier thanë se ende nuk kanë filluar korrjen për shkak të kohës me lagështi, jo normale për sezonin.
“Klima ndikon negativisht në korrjen e grurit, bie rendimenti. Janë faktorët e natyrës ato që ndikojnë. Korja duhet të kishte filluar, por kjo varet nga koha, pra janë faktorët e natyrës ato që ndikojnë që të mos fillojë korja. Mbin gruri në kalli e lag shiu dhe i rri i lagur dhe është shumë i ndjeshëm ai nga lagështia kokrra e grurit. Pastaj kalliri shkrepet e tund era dhe bie poshtë”.
“Për grurin janë shumë faktorë që ndikojnë. E ka dhënë tërë javën shi. Ai pak grurë do të bjerë përdhe”, thotë një fermer tjetër.
Fermerët thanë se këtë vit kanë pasur dëme dhe nga karkaleci i tokës dhe minjtë e arave.
“Miu i dëmton shumë, miu i arave. Ti e mbjell jonxhën ai e ngre dheun dhe ha rrënjët e jonxhës. Karkaleci, miu etj ka shumë faktorë bujqësia”, thotë fermeri
Fermerët ankohen për mungesë vëmendje nga Ministria e Bujqësisë e cila nuk kryen në kohën e duhur spërkatjen e tokave dhe as nuk kompenson ata kur prodhimi dëmtohet nga faktorët natyrorë.
Pasi karkaleci i tokës bëri kërdinë në të mbjella, Ministria e Bujqësisë ndërhyri sot në Lushnje, për të shpëtuar së paku perimet.
“Jemi në fazën e duhur të trajtimit të dëmtuesit karkalec, ku ai është në fazën e parë, të dytë dhe të tretë të fazës larvore. Trajtimi që po kryhet , mendojmë se rezultati do të jetë 100%”, tha Jetmir Meta, specialist.
Më herët është kryer spërkatja në zonën e Belshit, ndërsa ende nuk ka nisur në fusha të tjera ku fermerët ankohen për infektimin e qindra hektarë toke.
SI.E.//ReportTv.alKomente
O pronare te tokave ,prodhimi eshte i juai ,ju do tja shisni shtetit ,leket do ti fusni ju ne xhepat tuaj ,cfar kerkoni nga shteti qe tu sperkasi tua kori dhe ju te merni parate ,sa te mencur qe jeni ,keni gjetur budallenj ? E keni per detyre ju ti beni jo shteti ,boll me ankesa dilini zot prodhimeve dhe tokes tuaj .
Përgjigju