Në vend të duarve zgjedhin teknologjinë moderne, por asnjëherë të tilla punime nuk marrin të njëjtën vlerë me drurin që e gdhend ngadalë e shumë durim.
Gjergji Demika është drugdhendësi më i ri në moshë në zonën e Maliqit.
Ai ka zgjedhur të vazhdojë traditën familjare të drugdhendjes që nisi me gjyshin e vazhdoi me babanë e Gjergjit.
22-vjeçari tregon se udhëhiqet nga pasioni e për të çdo dru merr formën që ai e sheh me sytë e mendjes.
Punët e tij janë të ndryshme, nga punimet e vogla artistike e portretet e ndryshme e deri tek gdhendjet e ikonostaseve në kisha të ndryshme.
Nuk ka ndërmend të largohet nga Shqipëria e si i ri që është thotë se arrin të ndajë kohën midis punishtes, familjes dhe miqve.
SI.E./ReportTv.al
Komento
