Në Spanjë është sekuestruar jahti i oligarkut rus, Sergey Chemezov me vlerë 143 milionë euro.
Gjykata e Barcelonës ka vendosur sekuestrimin e jahtit “Meridan A” 85 metra të gjatë, si pasojë e padisë së ngritur për shkak të mos pagesës së tarifave të mirëmbajtjes në kantierin detar ku ndodhet prej muajit mars.
Thuhet se jahti në fjalë ishte i regjistruar te vajza e Sergey Chemezov, i cili ishte ish-agjent i KGB-së dhe zyrtar i lartë i kompanisë shtetërore të mbrojtjes "Rostec State Corporation" dhe që njihet me afërsinë me presidentin rus Vladimir Putin.
Chemezov ishte ndëshkuar gjithashtu edhe pas sanksioneve të SHBA-së dhe BE-së pas pushtimit të Krimesë nga Rusia në vitin 2014.
Në Spanjë janë 4 jahte të mëdha të oligarkëve rusë me një vlerë totale mbi 600 milionë euro.
Me fillimin e luftës Rusi-Ukrainë, shumë vende të Bashkimit Evropian sekuestruan anije të tilla dhe madje disa i nxorën në ankand.
Lajmi kryesor:
Lufta në Ukrainë/ Scholz-presidentit kinez: Përdor ndikimin tënd mbi Rusinë! Putin nënshkruan ligjin që lejon mobilizimin e kriminelëve
S.S/ReportTv.al