Ish-kryetari i Gjykatës së Kasacionit (sot Gjykata e Lartë), Zef Brozi ka dalë në mbështetje të Prokurorisë së Posaçme Kundër Korrupsionit dhe Krimit të Organizuar e cila shprehu dy ditë më parë pakënaqësinë për Pr/Buxhetin e vitit 2024, duke kërkuar një fond shtesë prej 750 milionë lekësh, kryesisht në zërin e investimeve për ta kthyer godinën e re të SPAK në funksionale.
Përmes një reagimi në rrjete sociale Brozi shkruan se projektbuxheti po kritikohet me të drejtë nga përfaqësuesit e institucioneve të drejtësisë pasi nuk plotëson nevojat dhe kërkesat që sipas tij janë urgjente. Organet e drejtësisë siç nënvizon Brozi duhet të kenë buxhetin e mjaftueshëm për funksionimin normal dhe efikas.
“Organet e Drejtësise duhet të kenë buxhetin e mjaftueshëm për funksionimin normal dhe efikas. Por projektbuxheti që qeveria ka paraqitur në Parlament me të drejtë po kritikohet nga përfaqesuesit e institucioneve të drejtësisë përfshirë dhe SPAK, sepse ai është shumë më i vogël se kerkesat dhe nevojat urgjente e jetike te tyre”, shkruan ai.
Nisur nga aksionet e fundit të SPAK ndaj zyrtarëve të lartë, Brozi ngre pikëpyetjen nëse qeveria dhe parlamenti po përdorin pushtetin e tyre për përcaktimin e buxhetit si një mjet presioni ndaj organeve të Drejtësisë e veçanërisht ndaj Prokurorisë.
“A po e perdor qeveria dhe Parlamenti pushtetin e tyre per percaktimin e buxhetit edhe si nje mjet presioni e ndeshkimi ndaj organeve te Drejtesise dhe vecanerisht ndaj SPAK?”, shkruan ai.
Ndërsa i bën apel deputetëve dhe qeverisë që t'i japin më shumë mbështetje në buxhet SPAK, Brozi nënvizon se mosdhënia e buxhetit të nevojshëm ndaj institucioneve të drejtësisë dëmton të drejtën e qytetarëve. Kjo për shkak se mijëra çështje janë duke pritur me vite për t'u marrë në shqyrtim.
“Une i bej apel Qeverise dhe deputeteve t'u japin SPAK dhe gjithe organeve te drejtesise buxhetin qe ato kane kerkuar. Mijera ceshtje te qytetareve presin me vite e dekada ne gjykata, qindra ceshtje penale per korrupsion e krime te tjera jane ne SPAK e prokurori te tjera. Mosdhenia e buxhetit te nevojshem ketyre institucioneve demton rende te drejten e qytetareve dhe interesat e Shqiperise”, shkruan më tej ai.
Krahas investimeve infrastruktore në godinë, Prokuroria e Posaçme Kundër Korrupsionit dhe Krimit të Organizuar i ka kërkuar qeverisë fonde shtesë, edhe për pagat e punonjësve.
Fillimisht ishte kreu i SPAK, Altin Dumani që e preku këtë çështje përballë komisionit online për Çështjet Ligjore dy ditë më parë, kur u shpreh se përgjithësisht në buxhet të gjitha kërkesat e Prokurorisë së Posaçme i gjen të vlerësuara, por vlerëson se ka vend për pranimin e kërkesë në lidhje me vlerësimin e pagave dhe shpenzimeve. Më tej, kërkesa u shtjellua nga Armand Shini, Drejtor i Buxhetit pranë SPAK, i cili tha se rreth 500 mln lekë duhen për investime dhe rreth 74 mln të tjera për pagat.
B.K/ReportTv.al“Projektbuxheti i vitit 2024 për SPAK parashikohet 1.5 miliard lekë, kjo e ndarë në zërin paga 979 milion lekë, sigurimet shoqërore 123 milion lekë, mallra e shërbime 228 milion lekë dhe 250 milion lekë investime. Ky buxhet në fakt nuk plotëson kërkesat e paraqitura nga ana jonë. Në zërin e pagave kërkohet shuma 216 milion lekë shtesë, në zërin mallra e shërbime 24 milion lekë, tek investimet 309 milion lekë. Kontributet e shoqërore e tejkalojnë kërkesën tonë. Tek pagat ka një mangësi në financim në shumë 74 milion lekësh. Zëri i pagave konstatojmë që nga Ministria e Financave nuk janë marrë parasysh efektet në pagën bruto, për gatishmërinë, orët jashtë orarit apo shpërblimet për rezultatet në punë”, tha Shini përballë deputetëve të PS.
Komente
Nqs qendron kjo qe thote Z.Brozi atehere do te qe e tmerrshme.
Përgjigju