“I bëj thirrje Edvinit, Fatmirit, Hakiut që ka humbur bashkë me Sajmirin dhe drejtuesve të policisë së Shkodrës të ndalojnë urgjentisht provokimet ndaj Shkodrës dhe qytetarëve të saj”, ka deklaruar Spahia. Ai i ka kërkuar policisë të fokusohet tek lufta kundër krimit, drogës dhe trafiqeve, që sipas tij në shumë raste drejtohen dhe kontrollohen nga drejtues të lartë të policisë.
“Do të ishte më mirë që policia të merrej me gjetjen dhe kapjen e atyre oficerëve të lartë të policisë të implikuar direkt në kultivimin dhe trafikun e drogës, por edhe shumë të tjerëve që kanë lidhje me krimin e organizuar”, ka thënë Spahia.
Ai u është drejtuar posaçërisht krerëve të policisë së Shkodrës dhe gjithë strukturës policore që të rrijnë larg provokimeve dhe kërcënimeve politike. “Shpirtin e lirë, fjalën e lirë të shkodranëve nuk e ka mposhtur dot as diktatura më e egër në botë, ajo e baballarëve tuaj! Mos e provoni edhe ju se do të thyeni hundët”, ka shkruar Spahia në Facebook.
Redaksia Online
Xh.F/Shqiptarja.com