Rrugët e Srebrenicës janë mbushur me forca policore dhe autoblinda në pritje të votimit në Asamblenë e përgjithshme të OKB-së për rezolutën e Srebrenicës.
Drejtori i Qendrës Përkujtimore të Srebrenicës, ka zbuluar se ka tensione në pritje të këtij vendimi.
“Tensionet në Srebrenicë janë intensifikuar që kur udhëheqësi serb i Bosnjës, Milorad Dodik njoftoi se qeveria e tij do të mbajë një seancë në Srebrenicë në të njëjtën ditë kur Asambleja e Përgjithshme e OKB-së voton për rezolutën që shpall 11 korrikun si Ditën e përkujtimit të Gjenocidit”, shkroi ai.
Seanca e Asamblesë së Përgjithshme të OKB-së, ku do të diskutohet për rezolutën në Srebrenicë, fillon sot në orën 16:00.
Për dokumentin që shkaktoi emocione të forta në Bosnje dhe Hercegovinë por edhe rajon, do të shprehin mendimin e tyre 193 përfaqësues të shteteve anëtare dhe për miratimin e tij kërkohet një shumicë prej 97 votash.
Xh.K/ReportTv.al