Kryetarja e LSI, Monika Kryemadhi ka deklaruar se ka dorëzuar në SPAK materiale të tjera shtesë të cilat sipas LSI provojnë abuzimet në lidhje me aferën e inceneratorëve. Sipas saj materialet shtesë që i dorëzohen SPAK-ut janë për inceneratorin e Tiranës, të Elbasanit dhe të Fierit.
"Kryetarja e LSI, Monika Kryemadhi dorëzon në SPAK materiale të tjera shtesë të cilat provojnë abuzimet në lidhje me aferën e inceneratorëve. Materialet shtesë që i dorëzohen SPAK-ut janë për inceneratorin e Tiranës, të Elbasanit dhe të Fierit. Në shkresën dorëzuar SPAK, kryetarja e LSI shprehet se mbetet e hapur për të bashkëpunuar me këtë organ në mënyrë që të kontribuojë për një hetim sa më objektiv të kësaj çështjeje. Lëvizja Socialiste për Integrim ka depozituar më herët tre padi, të shoqëruara me dokumente për inceneratorin e Tiranës, të Elbasanit dhe Fierit", thuhet në njoftimin e LSI.
Lajmi kryesor:
Mori 3.7 mln euro për inceneratorin e Elbasanit, GJKKO e lë në burg! Lefter Koka flet për herë të parë pas arrestimit: Jam i pafajshëm! S'kam përgjegjësi! Avokati: Procesi nisi politikisht (VIDEO)
B.K./ReportTv.al