TIRANË- "Thelbësore që Këshilli Politik t'i rikthehet punës për Reformën Zgjedhore, kusht i BE-së". Është ky mesazhi i fort i ambasadorit të Bashkimit Europian në Tiranë, Luigi Soreca drejtuar opozitës jashtëparlamentare, si një përgjigje ndaj tyre për vendimin e marrë një ditë më parë në mbledhjen e aleatëve, të cilët thanë se nuk do të ulen më në tryezë dialogu pa pasur një përgjigje nga ana e mazhorancës për propozimet e bëra.
Soreca e ka bërë të qartë që Këshilli duhet të mblidhet sa më shpejt të jetë e mundur, duke rikujtuar aktorët politik se Reforma Zgjedhore është kusht për çeljen e negociatave me Bashkimin Europian.
"Thelbësore që Këshilli Politik të rifillojë punën ndër-partiake në Reformën Zgjedhore, edhe në kohë të vështira si COVID- 19 herë. Thelbësore që reforma mbështetet nga të gjithë aktorët politikë, në interesin më të lartë Shqipërisë, në mënyrë që të përmbushet sa më shpejt kushtet e përcaktuara nga Këshilli Europian", shkruan Soreca.
Postimi i plotë i Sorecës
Një reagim i tillë, vjen menjëherë pas mbledhjes online të Komisionit të kësaj Reforme, ku dy bashkëkryetarët u shprehën se do ta votojnë Reformën Zgjedhore pa praninë e opozitës jashtëparlamentare po të jetë nevoja, pasi votat i kanë në parlament. Soreca është ndërkombëtari i parë i cili ka ndërhyrë pas mosmarrëveshjeve të krijuara sërish mes mazhorancës dhe opozitës mbi ecurinë e Reformës Zgjedhore, ku palët bëjnë fajtorë njëra- tjetrën. Më herët, bashkëkryetari Damian Gjiknuri kërkoi mbështetjen e ambasadores së SHBA-së, në Tiranë, Yuri Kim për përfundimin në kohë të kësaj Reforme.
Kujtojmë që afati i Këtij Komisioni është shtyrë deri më 30 qershor në seancën e 16 prill, për shkak se mbledhja e fundit u zhvillua më 9 mars si pasojë e COVID-1-, duke mos mundur dot që reforma të mbyllej më 15 ashtu siç ishte planifikuar. Ndryshe nga Komisionet Parlamentare, ky komision deri më tani nuk kishte zhvilluar asnjë mbledhje online.
B.K.//ReportTv.al
Opozite leshi me labire Monik shalngjit Lulaq e te madhin Natd Noka
PërgjigjuBE-ja duhet te kuptoje qe kjo opozite nuk ka asnje deshire qe Shqiperia te jete pjese e BE-se.Kjo opozite po te jete Shqiperia pjese e BE-se,duhet te reformohet radijalisht,gje qe shkon ndesh me statusin e Saliut,Monalikes,edhe pse jo,edhe te nje pjese te PS-se, qe i duhet tia mbathi me nje ligj zgjedhor, ku populli ka realisht ne dore voten e vet.Me listat qe bejne keta kodoshet,jane tesigurte ne marrjen e mandatit,dhe natyrisht bejne te mundur qe te jene te sigurte edhe idiotet e injorantet qe ju duhen ne rolin e "kortixhanit",dhe keshtu rrethi eshte "perfekt".
Përgjigju