Pas përfundimit të pandemisë dy të tretat e punëtorëve duan që të vazhdojnë të punojnë nga shtëpia, është ky rezultati i një studimi të publikuar nga IPSOS, për Forumin Ekonomik Botëror.
Sondazhi, është realizuar në 29 vende në mesin e 12,500 punonjësve dhe zbuloi se 66% e punëtorëve mendojnë se punëdhënësit duhet të lejojnë punë më fleksibile në të ardhmen, që do të thotë disa ditë në shtëpi dhe disa në zyrë.
Punëtorët deklaruan se do të donin të kalonin gjysmën e javës duke punuar nga shtëpia dhe pjesën tjetër nga zyra.
Punëtorët nga Belgjika, Franca dhe Kina u shfaqen më pak të interesuarit, duke preferuar të punojnë vetëm dy ditë në javë nga shtëpia.
Indianët ishin më entuziastët, të cilët dëshironin të punonin në telegram për gati tre ditë e gjysmë të javës.
AXA , një bankë në Bruksel kma marrë vendimin që duke nisur nga 1 shtatori, punonjësit e saj mund të vendosin të punojnë nga shtëpia ose zyra sa herë që kanë nevojë, si pjesë e një marrëveshjeje sindikale.
Institucionet e BE aktualisht janë duke përfunduar politikat e tyre të punës në distancë, me Komisionin Evropian që u propozon punonjësve të tij të kalojnë të paktën dy ditë në javë në zyrë dhe të paktën një ditë duke punuar nga shtëpia..
//ReportTv.al