Solidarizimi me Italinë përmes dërgimit të 30 mjekëve dhe infermierëve shqiptarë është vlerësuar maksimalisht nga trajneri i Kombëtares Shqipatre, Edy Reja.
Reja e cilësoi këtë veprim të kryeministrit Rama një shembull për të gjithë botën, e krye nga një vend shumë më pak i pasur krahasuar me vendet e zhvilluara të Europës.
"Ndihma nga Shqipëria në Itali? Ishte një gjest i jashtëzakonshëm, duke demonstruar se sa afër kanë qenë gjithmonë këta njerëz në Itali. Edi Rama dha disponibilitetin dhe dërgoi mjekët më të mirë shqiptarë në një zonë të prekur siç është Bergamo. Unë mendoj se është një shembull për t'u shpërndarë në të gjithë botën. Një komb më pak i pasur se shumë vende të tjera në Europë ka treguar solidaritet të pashembullt", tha Reja për Corriere dello Sport.
Trajneri i Kombëtares dhe ish-trajneri i Napolit, Edy Reja foli edhe për dëmin që kjo pandemi ka bërë në fushën e sportit, ku Lazio dhe Atalanta janë dy klubet sportive më të penalizuara.
"Përfundimi i kampionatit do të ishte fat për të gjithë futbollin, jo vetëm italian, edhe nëse do të mbyllet në korrik. Sigurisht që duhet të shpresojmë që infeksioni të ndalet, deri më tani rezultatet nuk janë optimale, mbase brenda dy ose tre javësh virusi do të ndalet. Do të ishte fat të rifilloni kampionatet, por edhe Champions dhe Europa League. Lazio dhe Atalanta janë dy kompanitë më të penalizuara. Flas në fushën e sportit, si njeri futbolli dhe në momentin që po përjetonin, sigurisht jo i dëshpërimit", u shpreh Reja.
