Gjykata e Beratit ka vendosur masën "Arret me burg" për 36-vjeçarin Hamza Çela, i cili masakroi dhe vrau me thikë komshiun dhe të afërmin e tij 77-vjeç Ramadan Çela. Pas vrasjes makabre të komshiut dhe të afërmit të tij Raman Çela në fshatin Jaupas të rrethit të Skraparit mbrëmjen e së henës për çështje pronësie, autori i kësaj ngjarjeje të rëndë është përballur sot me "togat e zeza" të Gjykatës së Shkallës së Parë Berat, për t'u njohur me masën e sigurisë.
Vrasësi 37-vjeçar Hamza Çela është transportuar drejt Gjykatës së rrethit të Beratit nën masa të rrepta sigurie,ndërkohë që në seancë nuk është lejuar prania e medias, për shkak të situatës pandemie nga virusi COVID-19. Gjatë seancës që zgjati rreth 1-orë mësohet se prokurori i çështjes Tasim Puci ka kërkuar vlerësimin të ligjshëm të arrestimit të tij dhe ka kërkuar masën e sigurisë "arrest me burg".
Gjyqtarja Adelajda Gjuzi pasi ka dëgjuar palën akuzatore dhe atë mbrojtëse që për shkak të problemeve mendore të 37-vjeçarit që nuk është i pajisur me raport mjekësor ka kërkuar shtrimin në Spitalin Psikiatrik në Vlorë,e ka cilësuar të ligjshëm arrestimin e tij në flagrancë dhe ka vendosur për të masën e sigurisë "arrest me burg" pa afat.
B.K.//ReportTv.al