Muajin e fundit koronavirusi në Kosovë ka qenë mjaft agresiv, duke i marrë jetën brenda ditës në disa raste mbi 10 personave. Lidhur me këtë situatë, Rita Ora, këngëtarja me origjinë nga Kosova, përmes UNICEF, i është drejtuar me një mesazh të gjithë bashkëqytetarëve të saj.
Këngëtarja me famë botërore thotë se maska duhet përdorur sa herë që del nga shtëpia.
“Jam shumë e shqetësuar që shumë njerëz në Kosovë janë infektuar me COVID-19. Ju lutem mbroni veten dhe të dashurit tuaj, vendosni maskën, ruani distancat dhe kujdesuni për higjienën personale.
Unë e vendos maskën time sa herë dal jashtë, në mënyrë që të vij sërish në Kosovë dhe të festoj me ju përfundimin e këtij virusi. Ndriçoni me dritën tuaj! Vendosni maskën. Të dua!”, thotë Rita.
Ne.k./ReportTv.al
Komento
