Janë regjistruar 28 raste të reja, të infektuar me koronavirus në të gjithë vendin nga 680 testime të kryera në 24 orët e fundit, ndërsa nuk është shënuar asnjë humbje jete.
Ministria e Shëndetësisë i bën serish thirrje qytetarëve të mos neglizhojnë vaksinimin anticovid, veçanërisht në këtë periudhë të vjeshtës, për të kufizuar rrezikun e përhapjes së infeksionit.
Vaksinimi anticovid kryhet në qendrat shëndetësore në të gjithë vendin. Gjithashtu MSHMS apelon të gjithë qytetarët e vaksinuar, që të drejtohen në qendrat shëndetësore, për t’u vaksinuar me dozën përforcuese. Vaksinat antiCOVID reduktojnë mundësinë e infektimit dhe shmangin në shkallë të lartë hospitalizimet dhe fatalitetet.
Nga testimet kanë rezultuar pozitivë me COVID19, 28 qytetarë, në këto bashki:
13 në Tiranë, nga 2 qytetarë në Kamëz, Klos, Patos, Vlorë, Tepelenë, Berat, nga 1 qytetarë në Durrës, Fier, Sarandë.
Janë 231 qytetarë aktivë me Covid19 në të gjithë vendin. Aktualisht në spitalin COVID3 po marrin trajtim 2 pacientë.
Janë shëruar 48 qytetarë gjatë 24 orëve të fundit, duke e çuar numrin e të shëruarve në 327,704 që nga fillimi i epidemisë.
Statistika (18 Tetor 2022)
Raste të reja ditore 28
Të shëruar në 24 orë 48
Të shtruar në spitale 2
Humbje jete në 24 orë 0
Testime ditore 680
Testime totale 1,991,016
Raste pozitive 331,527
Raste të shëruara 327,704
Raste Aktive 231
Humbje jete 3,592
Shpërndarja gjeografike e rasteve aktive sipas qarqeve:
Tiranë 174
Fier 16
Vlorë 9
Shkodër 7
Berat 6
Gjirokastër 6
Elbasan 5
Durrës 3
Dibër 3
Korçë 2
S.C/ReportTv.al