Pas mbylljes së Kuvendit Ndërkombëtar të Studimeve Albanologjike që u mbajt për tri ditë rresht nga data 25-27 nëntor, tek Akademia e Shkencave e Shqipërisë u bë shpallja e fituesve të çmimit “Trinia e Albanologjisë: Meyer-Pedersen-Jokli” për albanologët e huaj.
Sir Noel Malcolm ka fituar çmimin e parë “Trinia e Albanologjisë: Meyer-Pedersen-Jokli”
Ai u vlerësua nga Akademia e Shkencave e Shqipërisë për veprën për agjentët perandorakë në shekullin e gjashtëmbëdhjetë në botën mesdhetare "Knights, Corsairs, Jesuits and Spies in the Sixteenth Century Mediterranean World" me motivacionin:
“Vepër e bazuar në një njohje sovrane të burimeve arkivore, tregimtare të literaturës së specializuar, në të cilën, me argumente gjithëpërfshirëse, jepet një kuadër impresionues i historisë së botës adriatiko-mesdhetare e i mbarë Europës së shekujve XVI-XVII, me pikënisje e duke ndjekur fatet e anëtarëve të një familjeje fisnike shqiptare, nga e cila dolën luftëtarë, intelektualë, klerikë e diplomatë të shquar e të vlerësuar sa në oborret e Europës aq edhe në ish-perandorinë otomane.”, tha kryetari I jurisë akademik Pëllumb Xhufi.
Lucia Nadin ka fituar çmimin e dytë “Trinia e Albanologjisë: Meyer-Pedersen-Jokli”
Ajo u vlerësua nga Akademia e Shkencave e Shqipërisë për veprën "Figura e Skënderbeut në jetën kulturore dhe artistike të Venedikut (nga historia te miti: shek. XV-XVIII)" me motivacionin:
“Vepër që finalizon një punë të gjatë e të mundimshme, me një analizë në 360 gradë, në kërkim të gjurmëve që lidhin historinë e Shqipërisë me atë të Venedikut, duke pasur në qendër figurën e Gjergj Kastriot-Skënderbeut dhe receptimin e saj në mjedisin veneto-padovan, mbështetur në dëshmi arkivore, artistike, letrare, historiografike të zbuluara e të vlerësuara drejtpërsëdrejti, që nxjerrin në pah impaktin e jashtëzakonshëm që pati në Venecie dhe në territoret e shtetit të Venedikut figura e heroit të rezistencës arbërore.”, tha akademik Xhufi.
David Hosaflook ka fituar çmimin e dytë “Trinia e Albanologjisë: Meyer-Pedersen-Jokli”
Ai u vlerësua nga Akademia e Shkencave e Shqipërisë për veprën "Lëvizja protestante te shqiptarët, 1816-1908" me motivacionin:
“Vepër në të cilën për herë të parë, në mënyrë të plotë e të thelluar, mbështetur në burime të panjohura, vlerësohet historia e lëvizjes protestante te shqiptarët në periudhën e Rilindjes Kombëtare; roli i kësaj lëvizjeje për njësimin e shkrimit shqip dhe për inkurajimin e përpjekjeve për emancipimin e gruas shqiptare; libër referencial për mjaft aspekte të historisë politike e kulturore të shqiptarëve, që i shton kësaj historie figura dhe ngjarje historike me gjurmë të pashlyeshme.“
Ceremonia u mbajt me paraqitjen e të nominuarve:
1. Noel Malcolm për veprën “Agents of Empire: Knights, Corsairs, Jesuits, and Spies in the Sixteenth-Century Mediterranean World”
2. Lucia Nadin për veprën “Figura e Skënderbeut në jetën kulturore dhe artistike të Venedikut (nga historia te miti: shekujt XV-XVIII)”
3. Roderick Bailey për veprën “Lufta e fshehtë në Shqipëri: Një histori e misioneve britanike 1940-1945”
4. Jean-Paul Champseix për veprën “Ismail Kadare, une dissidence litéraire”
5. Dhori Q. Qirjazi për veprën “Thimi Mitko, Fjalëtore Shqip-Gërqisht / Gërqisht-Shqip & ndihmesa të tjera leksikografike (Përgatitja e dorëshkrimeve për botim dhe studimi hyrës nga Dhori Q. Qirjazi).”
6. David Hosaflook për veprën “Lëvizja protestante te shqiptarët, 1816-1908”
Ceremonia u mbyll me një koncert instrumental nga formacioni Academia Albanica.
Ceremonia u mbyll me një koncert instrumental, pjesë e të cilit ishte edhe krijimtaria e akad. Vasil Toles, e titulluar “Valle antike”, interpretuar nga orkestra e harqeve të Akademia Albanica me dirigjimin elegant të maestro Eno Koços . Në finale e Kuvendit të Alabanologjisë janë shpallur katër albanologë anëtarë nderi të Akadmeisë: Sir Noel Malcolm, Brian D. Joseph, José Manuel Floristán dhe Leonardo Maria Savoia.
M.Q.//ReportTv.al
