Pas arrestimit të përkohshëm të një ligjvënësi gjerman në fillim të këtij muaji, Sindikata e Federatës Gjermane të Gazetarëve (DJV) ka këshilluar profesionistët e medias kundër udhëtimeve profesionale dhe private në Turqi.
“Arrestimi i Gökay Akbulut pasi hyrjes së saj në Turqi në fillim të gushtit, tregon edhe një herë se autokracia e presidentit turk Recep Tayyip Erdogan i konsideron kritikët e tij si armiq militantë të shtetit dhe i persekuton kur ka mundësi ta bëjë këtë”, tha sot Frank Überall, kryetari kombëtar i DJV-së në një deklaratë.
Ai gjithashtu shtoi: “Nëse imuniteti parlamentar nuk të mbron kundër arrestimeve, rreziku për gazetarët është edhe më i madh. Akbulut, një ligjvënës nga Partia e Majtë e Gjermanisë, u arrestua në Turqi më 3 gusht. Një urdhër arresti, i cili më vonë u anulua nga autoritetet turke, ishte lëshuar për propagandë të dyshuar terroriste”.
Politikania me origjinë turke, e cila, sipas saj, është me prejardhje kurdo-alevi, është anëtare e Bundestagut që nga viti 2017.
Ajo ka qenë vazhdimisht kritike ndaj qeverisë turke dhe po bën fushatë për heqjen e ndalimit gjerman mbi aktivitetet e Partisë së Punëtorëve Kurdë PKK. PKK është klasifikuar si organizatë terroriste në Turqi dhe në Bashkimin Evropian.
Pas arrestimit të saj, ambasada gjermane në Ankara dhe Ministria e Jashtme Gjermane kishin ndërhyrë duke ndihmuar në lirimin e saj.
S.S/ReportTv.al