Shtrati i ri nuk e ndryshoi fatin e Gjanicës! Lumi që rrjedh mes për mes Fierit është ndotur sërish. Uji është me ngjyrë të zezë dhe erë të rëndë shkaktohet nga hidrokarburet. Ndotja vihet re që në orët e para të mëngjesit për shkak të derdhjeve pa kriter nga zonat naftëmbajtëse.
Inspektorati i Mjedisit në qarkun e Fierit është institucioni që duhet të marrë masat për ndalur ndotjen e Gjanicës. I kontaktuar me telefon drejtori Hader Cako tha se po ushtrohen kontrolle por ende nuk janë gjetur kompanitë që e ndotin lumin.
Gjanica vazhdon të reflektojë katastrofën mjedisore edhe pse janë hedhur miliona lekë për shëtitoren dhe skarpatet e lumit në qytetin e Fierit. Ndër vite ndotësit më të mëdhenj të Gjanicës kanë qenë subjektet e industrisë së nxjerrjes dhe përpunimit të naftës.
//ReportTv.al