Shqiptari Ajet Balesi, 29 vjeç është arrestuar nga autoritetet angleze pasi u kap me 100 mijë paund para të thata në makinë.
29-vjeçari jeton në Ramsbottom u arrestua në terminalin e Kent disa dy ditë më parë. Pasi oficerët e Forcës Kufitare gjetën paratë, të cilat ishin fshehur tek kroskoti mjetit të tij Mercedes, ai u mor në pyetje, së bashku me dy persona të tjerë me të cilët po udhëtonte.
Paratë u sekuestruan pasi dyshohet se janë përfituar nga aktivitete kriminale. Balesi akuzohet për pastrim dhe transfertë të paligjshme parash.
“Kjo ishte një shumë e konsiderueshme parash, për të cilën ne dyshojmë se janë të ardhura nga trafikimi i drogës dhe aktivitete të tjera të paligjshme. Marrja e fitimeve nga anëtarët e krimit të organizuar do të thotë se ata nuk mund t’i investojnë më ato para në krimin e mëtejshëm, dhunën dhe shfrytëzimin. Duke punuar me partnerë të zbatimit të ligjit si Forca Kufitare, ne jemi të vendosur të bëjmë gjithçka që mundemi për të prishur këtë fluks parash të paligjshme”, tha komandanti i degës së Agjencisë Kombëtare të Krimit Martin Grace.
