NEW YORK-Kryeministri Rama është takuar sot në New York me Sekretarin e Përgjithshëm të Organizatës së Kombeve të Bashkuara për programin e përparësitë e presidencës shqiptare të Këshillin e Sigurimit. Rama dhe Antonio Guterres ku diskutuan për programin e përparësitë e presidencës shqiptare të KS në tryezën drejtuese të OKB, dhe gatishmërinë për të ofruar kontributin e saj në shërbim të paqes dhe sigurisë, të drejtave të njeriut dhe zhvillimit të qëndrueshëm ndërkombëtar.
“New York, Kombet e Bashkuara, krenar për Shqipërinë që nesër merr presidencën e Këshillit të Sigurimit të OKB-së, për herën e parë në histori dhe përtej çdo imagjinate të vetëm deri pak viteve më parë. Me Sekretarin e Përgjithshëm për programin e përparësitë e presidencës shqiptare të KS të OKB”, shkruan Rama.
Kryeministri Edi Rama ndodhet për një vizitë zyrtare në SHBA, në kuadrin e kryesimit nga Shqipëria të Presidencës së Këshillit të Sigurimit të OKB për muajin qershor. Ndërkohë që Shqipëria i është bashkuar Këshillit të Sigurimit të Kombeve të Bashkuara, si anëtar jo i përhershëm për periudhën 2022-2023, ku ka marrë edhe përgjegjësinë e bashkëpenëmbajtësit me Shtetet e Bashkuara, për çështjen e Ukrainës. Kryeministri Rama, në këtë vizitë është së bashku me Ministren për Evropën dhe Punët e Jashtme Olta Xhaçka.
Paraditen e 2 qershorit, kryeministri Rama do të drejtojë debatin e hapur të nivelit të lartë të Këshillit të Sigurimit mbi llogaridhënien ndërkombëtare, si një ndër përparësitë e vendit tonë në Këshillin e Sigurimit, të theksuar edhe më shumë për shkak të agresioni të Rusisë kundër Ukrainës. Vënia para përgjegjësisë e shkelësve të ligjit ndërkombëtar, qofshin shtete apo individë, kërkon bashkëpunim të fortë të gjithë shteteve paqedashëse, duke filluar me anëtarët e Këshillit të Sigurimit.
Debati i kryesuar nga kryeministri Rama shënon fillimin e zbatimit të planit të punës të Presidencës së Shqipërisë në Këshillin e Sigurimit. Takimet e kryesuara nga kryeministri Rama do të pasohen nga disa veprimtari të tjera shënjuese, përgjatë muajit qershor përfshirë në nivel Ministror, të tillë si:
- Debat i hapur drejtuar nga Ministrja e Jashtme Olta Xhaçka, mbi tematikën Gratë, Paqja dhe Siguria, me nëntemë “Roli i organizatave rajonale për zbatimin e GPS në situata trazirash politike dhe marrje pushteti me dhunë” (15 Qershor);
- Sesion informimi, drejtuar nga Ministrja e Jashyme Olta Xhaçka, mbi bashkëpunimin mes OKB dhe organizatave rajonale, ku do të ftohet Bashkimi Europian (16 qershor);
- Debat i hapur mbi Metodat e Punës të Këshillit të Sigurimit, drejtuar nga Ambasadori i RSH në OKB, NY (28 qershor).
Nga 1 janari 2022 Shqipëria u ul si anëtare jo e përhershme e Këshillit të Sigurimit të Organizatës së Kombeve të Bashkuara. Më 11 qershor 2021 Shqipëria u zgjodh anëtare jo e përhershme e Këshillit të Sigurimit për periudhën 2022-2023 duke shënuar një ditë historike.
Kryeministri Edi Rama ka zhvilluar një takim me ambasadoren e SHBA-së në OKB Linda Thomas Greenfield.
“New York, Kombet e Bashkuara - Me Linda Thomas Greenfield, Ambasadorja e SHBA-së në OKB, e cila shprehu konsideratat më të larta për performancën e Shqipërisë në Këshillin e Sigurimit”, shkruan Rama.
Komente
Lajm shume i bukur.Tregoni qe shqiperia ka fituar besim me politiken e jashtne edhe nga shtetet e medha
Përgjigjuz. Rama perher merr vendimet dhe hapat e duhur per ta ber vendin tone nje vend sa me te mire. keshtu jemi dhe me pran vendeve perendimore dhe duke e zhvilluar vendin akoma me shume
PërgjigjuFale z.kryeministrit shqiperia ka par hajer.Ky esht nje hap shum i madh per vendin tone me fat qe e kemi
PërgjigjuLajm i bukur, per shqiptarine.
PërgjigjuShqiperia ka fituar besimin e vendeve perndimore fale punes se paloshur te qeverise Rama.Bravo ju qofte qe po e ngrini shqipperine lart ne nje kohe rekord.
PërgjigjuShpresoj qe ky takim me sekretarin e pergjithshem te OKB ti ket shkuar mjafte mire
PërgjigjuShqiperia ska qen kurr kaq lart fale kryeministrit tone sot po shohim drite
PërgjigjuNje hap shume i madh per vendin tone qe gjithmon ka qen pro demogracis dhe vendeve perbdimore
PërgjigjuFale jush zoti rama vendi yne po sheh mundesi qe nuk ishin pare me pare. Ju pergezoj
PërgjigjuNje hap tjeter i madh per shqiperine gjithmone ne krah te vendeve demokratike gjithmone pro vlerave perendimore
PërgjigjuSot shqiperia ka nje rol me aktiv ne arenen nderkombetare
Përgjigju