Ka shkuar në 125 numri i të vdekurve nga shpërthim në një pikë karburanti të mbushur me njerëz në rajonine pavarur me shumicë etnike armene që ndodhet brenda kufijve të Azerbajxhanit, raporton La Repubblica.
Gati 300 njerëz janë dërguar në spitale, ndërsa dhjetëra prej tyre raportohet se janë në gjendje kritike.
Nuk është ende e qartë se çfarë e shkaktoi shpërthimin të hënën në mbrëmje pranë qytetit kryesor Khankendi, në një kohë që mijëra armenë etnikë u larguan nga territori separatist, pasi ushtria e Azerbajxhanit mori kontrollin e plotë të tij javën e shkuar.
Azerbajxhani dhe armenët etnikë janë pajtuar për një armëpushim të menjëhershëm, pasi udhëheqja de facto e enklavës së banuar kryesisht me armenë etnikë, pranoi propozimin e misionit paqeruajtës rus dhe u pajtua për bisedime lidhur me “riintegrimin” e territorit brenda Azerbajxhanit.
Azerbajxhani dhe Armenia kanë zhvilluar dy luftëra për kontrollin e rajonit të shkëputur, me luftën e fundit që u zhvillua para tre vjetësh.
B.K/ReportTv.al
