TIRANË- Tre të rinj kanë rënë në pranga dhe dy të tjerë janë shpallur në kërkim pasi dyshohet se janë përfshirë në shpërndarjen e lëndëve narkotike cannabis sativa. Të rinjtë në bashkëpunim me njëri-tjetrin, siguronin lëndë narkotike, të llojit cannabis sativa, në sasi të mëdha dhe më pas e shpërndanin atë tek persona të tjerë.
Policia ka ndaluar në autostradën Tiranë-Durrës një automjet ku pas kontrollit kanë konstatuar 29 pako me cannabis sativa, me peshë 31 kg. Për rrjedhojë është sekuestruar lëndë narkotike, si edhe 2 automjete, 8 celularë dhe servera për kamera dhe dokumente të ndryshme.
Nga operacioni "Overpass", ka rënë në pranga 29-vjeçari D. M., banues në Laparkë, ku ndaj tij rëndon akuza për veprën penale “Prodhimi dhe shitja e narkotikëve”.
Janë arrestuar edhe 36-vjeçari F. T., banues në Vorë dhe 26-vjeçari A.Sh, banues në Vorë, për veprën penale “Veprime që pengojnë zbulimin e të vërtetës". Sipas policisë, këta dy të rinj, me detyrë operatorë të kamerave, dyshohet se kanë ndërhyrë në serverat e kamerave të sigurisë, për të fshirë pamjet e regjistruara.
Ndërkohë janë shpallur në kërkim shtetasit 30-vjeçari J. Z., dhe 22-vjeçari E. S., për veprën penale "Prodhimi dhe shitja e narkotikëve”.
SI.E./ReportTv.al