Pas shtrirjes së vaksinimit në disa grupe risku, Shoqatat e Transportit Urban kërkojnë të përfshihen edhe ata në grupet prioritare për të bërë vaksinë antiCOVID. Në një letër dërguar ministres së Shëndetësisë, Ogerta Manastirliu dhe kryeministrit Edi Rama, Shoqata e Transportit Urban dhe Interurban Kamëz, kërkon që edhe ky sektor të jetë ndër më primarët për vaksinim pasi kjo do të rriste shkallen e imunitetit dhe sigurinë te punonjësit e sektorit.
Shoqatat e Transportit urban shprehet se punonjësit e këtij sektori janë të ekspozuar për infektim me COVID 19 duke qenë se janë në kontakt të vazhdueshëm me individ të ndryshëm,për shkak të shërbimit që ofrojnë.
Kjo shoqatë shkruan se me nisjen e vaksinimit masiv dhe ecurisë së tij edhe sektori i transportit urban të vendosen te grupet primare për të marrë këtë vaksinë.
Në vendin tonë vaksinimi ka nisur me bluzat e bardha, më pas me arsimtarët dhe moshat mbi 70 vjeç, dhe sot nisi edhe për gazetarët dhe operatorët e terrenit, ndërsa ditën e nesërme do të vijojë me efektivët e policisë.
Letra që Shoqata e Transportit Urban i ka dërguar ministres së Shëndetësisë, Ogerta Manastirliu dhe kryeministrit Edi Rama
