Një automjet tip “Benz” është përfshirë nga flakët në aksin Fier- Ferme- Clirim, teksa fatmirësisht nuk ka pasur persona të lënduar. Në vendngjarje kanë mbërritur menjëherë efektivët zjarrfikës të cilët kanë bërë të mundur shuarjen e flakëve.
Ndërkohë që automjeti është shkrumbuar totalisht, drejtuesi i mjetit sapo ka pikasur flakët ka dalë menjëherë duke i shpëtuar rrezikut. Policia dhe grupi hetimor ndodhen në vendngjarje ndërsa paraprakisht dyshohet se shkak i zjarrit ka qenë një defekt elektrik.
Djegia e makinës ka shkaktuar radhë të gjatë automjetesh për shkak të bllokimit të qarkullimit.
SI.E.//ReportTv.al
Komento
