TIRANË- 5 raste të reja me koronavirus janë raportuar në 24 orët e fundit në Shqipëri, duke çuar në total numrin e të infektuarve në 64. Tre prej rasteve të reja janë shtetas italian që ndodheshin në Shqipëri, e ndërsa dy të tjerët nga Kavaja duke e shtrirë çuan në 7 numrin qyteteve të infektuara. Lajmi është bërë i ditur nga drejtoresha e Institutit të Shëndetit Publik, Albana Fico në deklaratën e përdishtme, teksa ka theksuar se Ministria e Shëndetësisë është pajisur me një sasi shtesë të tamponëve që shërbejnë për testin për COVID-19. Që nga momenti kur në Shqipëri u konfirmua rasti i parë, janë kryer testuar 697 janë raste të dyshuara, 64 kanë rezultuar pozitiv.
80 vjeçari dhe tjetri, 42-vjeç nga Kavaja kishin qenë në Itali dhe pas ardhjen në Shqipëri, ishin vetëkarantinuar, por gjendja e tyre shëndetësore u përkeqësua, e për pasojë u sollën drejt Tiranës. Në Spitalin infektiv në Qsut janë 120 shtretër, ku 32 janë të zënë prej pacientëve. Nga 32 pacientët te Infektivi në QSUT, 3 janë në terapi intensive, por asnjëri prej tyre nuk është në respiracion të drejtuar. Ndërsa pjesa tjetër e të shtruarve në pavion janë në gjendje të stabilizuar deri në këto momente.
Fico ka ripërsëritur apelin për qytetarët, që të qëndrojnë në shtëpi për të ndërprerë transmetimin e këtij virusi, e ndërsa u bën thirrje edhe qytetarëve që shfaqin simptoma të mos i drejtohen spitalit, por të telefonojnë në numrin e ugjencës 127.
"Nga ana tjetër, për të siguruar suksesin e ndërprerjes së zinxhirit të transmetimit të infeksionit, qytetarët kanë një rol thelbësor. Edhe një herë një lutje për qytetarët: Mos shkoni menjëherë në spital! Telefononi 127 kur keni shenja të sëmundjes! Pavarësisht masave të marra, e rëndësishme është izolimi social, masat e higjienës vetjake, që të frenojmë sa më shumë përhapjen e infeksionit. Mënyra më e mirë për të ndihmuar personelin shëndetësor dhe për të përballuar këtë situatë është që qytetarët të vijojnë të qëndrojnë në shtëpi", mbyll deklaratën Fico.
Harta e qyteteve të prekura me koronavirus
Tiranë 45 qytetarë
Durrës 5 qytetarë
Lushnje 2 qytetarë
Elbasan 2 qytetarë
Fier 6 qytetarë
Rrogozhinë 2 qytetarë
Kavajë 2 qytetarë
Harta e qyteteve të prekura me koronavirus
Komente
Ju lumte per masat qe moret shume shpejt rraguat!!!!!!!
Përgjigjua sme thote kush pse ka ngel Pekini si ishull ne mes? Dyshoj qe kan imunitet pekinsit, ndofta nga intelekti i ngritur mbi baza letrate.
PërgjigjuQelbesirate na moren me qafe! Pse nuk rrine jorgot dhe xhovanët andej në vendet e tyre?
PërgjigjuPo 30 vjet qe Giovanni dhe Jorgo hedhin leke ne ate vrime te zeze qe quhet Shqiperi?!